十八年後的終極告白2.0｜陳山聰買過期機票同趙希洛去芬蘭？ 劇中穿崩位逐個捉 道具顏色出晒事

TVB懸疑劇《十八年後的終極告白2.0》今周進入結局周，劇中殺害Queenie（譚凱琪 飾）嘅兇手係邊個仲未揭盅，唔少觀眾看得好肉緊，唔放過任何蛛絲馬跡。然而在追劇同時，唔少眼利網民亦發現數個穿崩位，令人哭笑不得！

同場加映：黃建東認被搞笑之路選中型不起 反獲友人鼓勵：話唔定係下個黎耀祥

{{hket:ul-video id="5980"}}{{/hket:ul-video}}

1. 木材位置

早前一集講到Angus（譚俊彥 飾）被綁架後，大勇（曹永廉 飾）及時搵到佢，然而兩人逃至窗口位置，卻發覺後無路可逃，大勇就叫Angus一齊跳窗。從屋內睇，三條木材嘅擺法分別係一條木材打橫放，下面兩根木材係交叉釘喺窗口上。不過喺屋外睇，三根木材的擺法就唔一樣，打橫嘅木材變咗放喺交叉木材下面。而再仔細啲睇，屋內屋外唔係同一個地方嚟㗎！

2. 機票

劇情提到Jason（陳山聰 飾）想帶Joyce（趙希洛 飾）去看北極光慶祝結婚周年，有一幕影到張機票嘅資料，仔細一睇，機票嘅資料錯漏百出。首先係日期，機票冇寫出發日期，另外兩人嘅機票到達芬蘭嘅日期亦唔一樣，隔咗足足12日，唔通佢哋想前後腳到？其次係機票上嘅英文，雖然係道具啫，但上面有兩組英文字都串錯︰「Suject」（Subject）、「Counger」（Counter），網民批評製作道具不夠認真。

3. 時間線錯亂

Queenie（譚凱琪 飾）與Jason（陳山聰 飾）於第3集撞死孕婦，事發日子是2021年9月10日；但第11集中，Jason book嘅機票係2021年8月16/28日，照計機票已經過咗期。時間線錯亂呀！穿越？

4. 車身顏色

Joyce（趙希洛 飾）懷疑老公Jason（陳山聰 飾）而派人喺丈夫架車安裝追蹤器，當時架車車身係白色；之後Jason手下換輪胎時發現追蹤器，車身係灰色，明顯係兩架車喎！

5. 糖水碗顏色 

Angus（譚俊彥 飾）受傷入院後，沈越（龔嘉欣 飾）去糖水舖帶咗碗糖水畀對方，當時佢拎住個碗係白色……點知去到醫院，沈越拎住嗰碗糖水，變咗透明膠碗，唔通佢中途去買咗另一碗？一定係，除非唔係。

十八年後的終極告白2.0｜譚俊彥陳山聰再演好友反目成仇 趙希洛邵展鵬對比上輯戲份大躍進【下一頁】

娛樂組